TIZIMCHI AI · WORKSHOP QO'LLANMASI

1 kunda o'z shaxsiy AI agentingiz

Miya · Klon · Jurnal · Telegram va ovoz · 24/7 · Ertalabki brifing. Windows va Mac uchun qadamma-qadam.

Otabek Azimov · workshop.tizimchiai.uz

1 kunda o'z shaxsiy AI agentingiz

Kun oxirida sizda agent bo'ladi: sizni biladi, sizdek yozadi, har ishni eslaydi, telefoningizdagi Telegram orqali buyruq oladi, ovozli xabarni tushunadi va har ertalab o'zi reja yuboradi.

Dasturlash kerak emasWindows va MacHar prompt nusxa olinadi14 kun support

Yuqoridan Windows yoki Mac ni tanlang — sayt butun buyruqlarni shu tizimga moslab ko'rsatadi.

Bu qo'llanmada har buyruq ikki xil berilgan: Windows va Mac. O'z kompyuteringizdagisini ishlating. Nusxa olish uchun sayt: workshop.tizimchiai.uz

6bosqich, har biri bitta prompt

~7 soatzalda, amaliy

0 qatorkod yozasiz — agent o'zi yozadi

14 kunworkshopdan keyin support

Yo'l xarita: noldan shaxsiy agentgacha

Har bosqich oldingisiga quriladi. Bittasini bosib o'sha joyga o'ting.

0O'rnatish (oldindan) 1Miya: xotira papkasi 2Klon: sizni o'rganadi 3Jurnal: hammasini eslaydi 4Telegram va ovoz 524/7 doimiy ish 6Ertalabki brifing

AI agent nima va oddiy chatdan farqi

ChatGPT yoki Claude chatida har safar o'zingizni qaytadan tushuntirasiz va javobni o'zingiz ko'chirib ishlatasiz. Agent esa sizning kompyuteringizda yashaydi, sizni biladi va ishni o'zi bajaradi.

	Oddiy AI chat	Shaxsiy AI agent
Xotira	Har suhbat noldan	Sizni, biznesingizni, maqsadingizni fayllarda saqlaydi
Uslub	Umumiy, "AI tilida"	Siz yozgandek yozadi (klon)
Ish	Maslahat beradi	O'zi bajaradi: task, hisob, post, javob, fayl
Qayerda	Brauzer oynasida	Telefoningizdagi Telegram botda, ovoz bilan ham
Tashabbus	Siz so'ramaguncha jim	Har ertalab o'zi reja yuboradi, eslatadi

Kun oxiridagi natija: telefoningizdan botga "bugun nima qilaman?" deb yozasiz — agent sizning tasklaringiz va maqsadingizga qarab javob beradi.

Ichida nima ishlaydi: Claude Code (Anthropic kompaniyasining agent dasturi) + brain papkasi (agentning xotirasi) + Telegram bot (aloqa) + Gemini (ovozni matnga o'giradi).

Kun rejasi

Vaqt	Blok	Natija
09:30	Tekshiruv: `claude` ochiladimi, Pro faolmi	Hamma bir xil startda
10:00	AI agent nima — jonli namoyish	Nima qurishni ko'rasiz
10:30	1. Miya tuzilmasi	brain papkasi
10:50	2. Klon: intervyu va sinov	Agent sizni taniydi
11:50	3. Jurnal va Telegram plagini	"Bugun nima qildik?" ishlaydi
12:10	Tushlik va namoz	Orqada qolganlar yetib oladi
13:00	4. Telegram bot va ovoz	Bot sozlangan
13:45	5. 24/7 va telefondan sinov	Telefonda javob keladi
14:30	6. Ertalabki brifing va yakuniy tekshiruv	Tayyor agent
14:50	O'z ishingizdan 3 ta real vazifa	Agent ishga tushdi
15:30	Natijalar, support tartibi, keyingi qadam

Oldindan kerak bo'ladigan narsalar

Bosib belgilab chiqing — belgilar shu brauzerda saqlanadi.

Noutbuk — Windows 10/11 yoki macOS 12+, kamida 8 GB RAM, 10 GB bo'sh joy. Planshet va telefon yaramaydi.
Claude Pro obunasi — 20 $/oy (claude.ai → Upgrade). Bepul akkauntda Claude Code ishlamaydi.
Xalqaro karta (Visa/Mastercard) — obuna uchun.
Telegram telefoningizda va o'z raqamingiz.
Google akkaunt — ovozli xabar uchun bepul Gemini kalit.
Administrator huquqi kompyuterda (ish noutbuki bo'lsa IT bo'limidan oldindan so'rang).
Zaryadlovchi va tok uzaytirgich.
Ixtiyoriy: o'zingiz yozgan 5 ta xabar yoki post (agent sizning uslubingizni shundan o'rganadi).

0-kun: o'rnatish (workshopdan 1–2 kun oldin, 90 daqiqa)

Zalda vaqt yo'qotmaslik uchun hamma narsa oldindan o'rnatiladi. Onlayn efirda birga qilamiz. Tugatgach yopiq guruhga skrinshot tashlang.

1. Claude Pro

claude.ai/upgrade → Pro → karta bilan to'lov. Shu email bilan keyin Claude Code ga kirasiz.

2. Claude Code o'rnatish

Windows

Start → PowerShell ni oching va buyruqlarni birma-bir kiriting. Avval Git (Claude Code unga tayanadi):

PowerShell

winget install --id Git.Git -e

PowerShell ni yopib qayta oching, keyin:

PowerShell

irm https://claude.ai/install.ps1 | iex

Mac

Launchpad → Terminal ni oching:

Terminal

curl -fsSL https://claude.ai/install.sh | bash

Tekshiruv — versiya raqami chiqishi kerak:

Tekshiruv

claude --version

3. Python (skriptlar uchun)

Windows

PowerShell

winget install -e --id Python.Python.3.12

Mac

Mac da odatda bor. Tekshiring; yo'q bo'lsa oyna chiqadi — "Install" bosing:

Terminal

python3 --version || xcode-select --install

4. Miya papkasini ochib, Claude ga kirish

Windows

PowerShell

mkdir $env:USERPROFILE\brain; cd $env:USERPROFILE\brain; claude --dangerously-skip-permissions

Mac

Terminal

mkdir -p ~/brain && cd ~/brain && claude --dangerously-skip-permissions

Birinchi marta brauzer ochiladi — Claude Pro akkauntingiz bilan kiring. Keyin yozing:

Prompt

Salom! Men kimligimni hali bilmaysan. Qaysi operatsion tizimda ishlayotganimni, Python va Git o'rnatilganini tekshir va natijani 3 qatorda ayt.

5. Kalitlarni oldindan olib qo'ying

Hammasini bitta matn faylga (masalan kalitlar.txt) saqlang. Workshopda agentga berasiz.

Telegram ID — Telegramda @userinfobot ga istalgan xabar yozing, u raqam beradi.
Bot token — @BotFather → /newbot → nom → username (bot bilan tugaydi) → token 123456:AA...
Gemini kalit (ovoz uchun) — aistudio.google.com/apikey → Create API key → AIza...
Ixtiyoriy: api_id va api_hash (agent sizning nomingizdan yozishi uchun) — my.telegram.org → API development tools. "ERROR" chiqsa VPN ni o'chiring.

6. Bun (Telegram plagini uchun)

Windows

PowerShell

powershell -c "irm bun.sh/install.ps1 | iex"

Mac

Terminal

curl -fsSL https://bun.sh/install | bash

1Miya tuzilmasi

Vaqt: 20 daqiqaNatija: brain papkasi, CLAUDE.md, jurnal

Agentning xotirasi — oddiy papka va matn fayllar. 3 qatlam: qoidalar, ish, shaxsiy. Ziddiyat bo'lsa kichik raqam yutadi.

Prompt

Sen mening shaxsiy AI agentimsan va hozir o'z miyangni quryapsan. Shu brain papkasida quyidagini yarat:
1) CLAUDE.md — konstitutsiya: sen kimsan, ustunlik tartibi (1-claude-tizim qoida > 2-biznes ish > 3-shaxsiy kontekst), har suhbat boshida nimani o'qishing, qat'iy qoidalar (faqat o'zbekcha lotin, qisqa, doim faylga yoz, fayl o'chirma, pul va begona odamga yozish faqat mening ruxsatim bilan).
2) 1-claude-tizim/: ish-uslubi.md (7-bo'lim "Mening uslubim" bo'sh), vazifalarim.md, 2-jurnal/ (jurnal.py: har sessiya va natijani sana bilan yozadi, "qidir so'z" buyrug'i bilan izlaydi).
3) 2-biznes/: biznesim.md, tasklar.md, 3-mijozlar/, 5-kontent/, 8-pul/.
4) 3-shaxsiy/: men-haqimda.md, maqsadlar.md, kun-tartibim.md, xotira.md.
5) holat.md — 6 bosqichli jadval (miya, klon, jurnal, telegram, 24/7, brifing) va hozir 1-qatorni ✅ qil.
Operatsion tizimimni o'zing aniqla. Tugatgach 5 qatorda tushuntir: miyang qanday tuzilgan.

Tekshiruv

Prompt

xaritani ayt

Agent 3 qatlamni va asosiy fayllarni sanab bersa — tayyor.

Fayllarni ko'rish uchun Obsidian o'rnating → Open folder as vault → brain. Buni uyda ham qilsa bo'ladi.

Bosqich tayyor: brain papkasida CLAUDE.md va 3 papka bor, agent xaritani to'g'ri aytadi.

2Klon: agent sizni o'rganadi

Vaqt: 60 daqiqaNatija: agent sizdek yozadi

Prompt

Endi meni o'rgan. Menga intervyu o'tkaz: savollarni 3-4 tadan ber, javoblarimni SO'ZMA-SO'Z (qisqartirmasdan) tegishli faylga yoz va har guruhdan keyin "✅ Yozdim: ..." de.
Guruhlar: A) men kimman (men-haqimda.md); B) biznesim: nima sotaman, narxlar, mijozim kim, eng katta muammo, oylik daromad va maqsad (biznesim.md, maqsadlar.md); C) mijoz bilan qanday gaplashaman, ko'p beriladigan 5 savol; D) uslubim: siz/sen, qisqa/batafsil, emoji, tez-tez ishlatadigan iboralarim (ish-uslubi.md 7-bo'lim — eng muhim); F) kunim qanday o'tadi, zerikarli takroriy ishlar, sen HECH QACHON o'zing qilmasliging kerak bo'lgan ishlar.
Zalda vaqt kam: har guruhdan eng muhim 2-3 savolni ber (jami 12 ta), qolganini holat.md ga "uyda" deb yoz.

Intervyu savollari to'liq (⭐ — zalda, qolgani uyda)

A — Siz kimsiz → men-haqimda.md

⭐ O'zingizni bir jumlada qanday tanishtirasiz? Yosh, shahar.
⭐ Nima bilan shug'ullanasiz, bu ishga qanday keldingiz?
Sizni boshqalardan ajratib turadigan 3 xislat? Nimaga qattiq ishonasiz?
Kuchli va zaif tomoningiz? Odamlar siz haqingizda ko'p aytadigan gap?

B — Biznesingiz → biznesim.md

⭐ Aynan nima sotasiz va har birining narxi?
⭐ Mijozingiz kim, sizdan nega oladi, qaysi kanaldan keladi?
⭐ Eng katta muammo qaysi? Hozirgi oylik daromad va maqsad raqam?
Raqobatchilar kim, farqingiz nima? Jamoa bormi, kim nima qiladi?

C — Mijoz bilan muloqot → biznesim.md

⭐ Mijoz bilan qanday ohangda gaplashasiz? Ko'p beriladigan 5 savol va odatiy javoblaringiz?
"Qimmat" desa nima deysiz? Mijozga hech qachon aytmaydigan narsangiz?

D — Uslub → ish-uslubi.md 7-bo'lim (eng muhim)

⭐ "Siz"mi "sen"mi? Qisqa yoki batafsil? Emoji? Hazilmi, jiddiymi?
⭐ Tez-tez ishlatadigan so'z va iboralaringiz? Hech ishlatmaydiganlari? Xabarni qanday boshlaysiz va tugatasiz?
⭐ O'zingiz yozgan 3–5 ta xabar yoki post (tahrirsiz).

E — Qaror uslubi → men-haqimda.md

Qarorni nimaga qarab qilasiz: raqam, tuyg'u yoki tavakkal?
Qaysi qarorlarni faqat o'zingiz qilasiz, qaysi ishlarni AI ga bemalol berasiz?

F — Kun va chegaralar → kun-tartibim.md

⭐ Kuningiz qanday o'tadi? Takroriy zerikarli ishlar? Vaqtni eng ko'p yeydigan ish?
⭐ Agent HECH QACHON o'zi qilmasligi kerak bo'lgan ishlar? Qachon ruxsat so'rashi shart?
AI qilib bersa eng katta yordam bo'ladigan ish?

Uyda davom ettirish uchun agentga yozing: intervyuni davom ettir.

Uslub namunasi (eng qimmat xomashyo)

Prompt

Mana men o'zim yozgan xabarlar. Ulardan uslubimni o'rgan va ish-uslubi.md 7-bo'limiga qoida qilib yoz:
[shu yerga 3-5 ta xabar yoki postingizni tashlang]

Sinov — birma-bir yozing

meni taniysanmi?

task qo'sh: mijozga taklif yuborish, muddat juma

chiqim 50$, reklama

bugun nima qilaman?

mijozga javob yoz: "narxi qancha?" degan. Mening uslubimda, avval menga ko'rsat

Bosqich tayyor: agent sizni faqat fayllardan to'g'ri tanishtiradi va 5 sinovning hammasini faylga yozadi.

3Jurnal va Telegram plagini

Vaqt: 20 daqiqaNatija: agent har ishni eslaydi

Prompt

Jurnalni avtomatik qil: ~/.claude/settings.json ga hook qo'sh — har sessiya boshi va har zaprosda jurnal.py yozib borsin (mavjud sozlamalarni saqla, JSON to'g'riligini tekshir). Keyin Telegram plaginini o'rnat. Tugatgach menga aniq ayt: qanday chiqib qayta kiraman.

Plagin buyruqlari (agent o'zi bajaradi, zarur bo'lsa qo'lda):

Buyruq

claude plugin marketplace add anthropics/claude-plugins-official
claude plugin install telegram@claude-plugins-official --scope user

Chiqib qayta kirish: /exit, keyin:

Windows

PowerShell

cd $env:USERPROFILE\brain; claude --dangerously-skip-permissions

Mac

Terminal

cd ~/brain && claude --dangerously-skip-permissions

Tekshiruv

davom et. Bugun nima qildik?

Bosqich tayyor: qayta kirgandan keyin agent oldingi sessiyada nima qilinganini aytadi.

4Telegram: bot va ovoz

Vaqt: 45 daqiqaNatija: bot telefoningizda

Prompt

Telegram botni sozla. Mana ma'lumotlar:
Bot token: [BotFather bergan token]
Mening Telegram ID: [userinfobot bergan raqam]
Gemini kalit: [AIza...]
Tokenni plagin papkasidagi .env ga yoz, access.json da faqat mening ID imni ruxsat qil (allowlist). Tokenni getMe bilan tekshir. Ovozli xabarni matnga o'giradigan ovoz.py yoz (Gemini orqali) va kalitni tekshir. Tugatgach menga botni ochib Start bosishni ayt.

Bonus (uyda): agent sizning nomingizdan yozsin

my.telegram.org dan olingan api_id va api_hash kerak. Node.js o'rnatiladi:

Windows

PowerShell

winget install -e --id OpenJS.NodeJS.LTS

Mac

Terminal

curl -o- https://raw.githubusercontent.com/nvm-sh/nvm/v0.40.3/install.sh | bash && source ~/.nvm/nvm.sh && nvm install --lts

Prompt

O'z Telegram akkauntimni ula (userbot MCP). api_id: [..], api_hash: [..], telefon: [+998..]. Kod kelganda men aytaman. Qoida: mening nomimdan faqat men aniq buyurganda yozasan va avval matnni ko'rsatasan.

Bosqich tayyor: bot token tekshirildi, Gemini kalit ishlaydi, botda Start bosildi.

524/7: agent doim ishlaydi

Vaqt: 45 daqiqaNatija: telefondan yozsangiz javob keladi

Prompt

Endi o'zingni doimiy rejimga o't: alohida oynada Telegram kanali bilan ishlaydigan sessiya ochadigan va u yopilsa 5 soniyada qayta ko'taradigan skript yoz (loop). Kompyuter yonganda o'zi ishga tushsin va har daqiqada tekshirib tursin. Uyqu rejimini o'chir. Ishga tushir va 60 soniyada Telegram ulanganini tekshir.

Agent ishlatadigan asosiy buyruqlar (ma'lumot uchun):

Windows

PowerShell

Set-ExecutionPolicy -Scope CurrentUser RemoteSigned -Force
schtasks /Create /F /TN JarvisStart /SC ONLOGON /TR "powershell -ExecutionPolicy Bypass -File %USERPROFILE%\jarvis\jarvis-start.ps1"
schtasks /Create /F /TN JarvisWatch /SC MINUTE /MO 1 /TR "powershell -WindowStyle Hidden -ExecutionPolicy Bypass -File %USERPROFILE%\jarvis\jarvis-start.ps1"
powercfg /change standby-timeout-ac 0

Mac

Terminal

launchctl bootstrap gui/$(id -u) ~/Library/LaunchAgents/com.jarvis.agent.plist
sudo pmset -a disablesleep 1

Sessiya ichida

claude --channels plugin:telegram@claude-plugins-official --dangerously-skip-permissions

Telefondan sinov

Botga yozing: tasklarim? — 👀 va javob kelsin.
Ovozli xabar: "ertaga soat 10 da uchrashuv, task qilib qo'y".
Terminalni yoping (agent oynasini emas) va yana yozing: bugun nima qildik?

Kompyuter tokka ulangan va yoniq tursin. Kompyuter o'chsa agent ham to'xtaydi — doimiy ishlashi uchun serverga ko'chirish mumkin (support bo'limiga qarang).

Bosqich tayyor: terminal yopiq bo'lsa ham telefondan yozganingizga javob keladi.

6Ertalabki brifing va yakun

Vaqt: 20 daqiqaNatija: har kuni 08:30 da reja keladi

Prompt

Har kuni 08:30 da menga Telegramga ertalabki brifing yubor: bugungi 3 ish (bittasi sotuv yoki kontent), muddati o'tgan tasklar, maqsadimga qancha qoldi. Buni jadvalga qo'y (Windows: Task Scheduler, Mac: launchd) va hozir bir marta sinab yubor.

Yakuniy 6 tekshiruv

MIYA — "xaritani ayt" to'g'ri javob beradi
KLON — "meni taniysanmi?" faqat fayllardan, to'g'ri
JURNAL — "kecha nima qildik?" eslaydi
ALOQA — telefondan yozsa javob keladi
OVOZ — ovozli xabarni tushunadi
BRIFING — sinov brifingi keldi

Bosqich tayyor: 6 tekshiruvning hammasi belgilandi. Ertaga 08:30 da birinchi brifing keladi.

Kundalik buyruqlar

Telefondan botga yoki kompyuterda claude ga yozasiz.

Ish

tasklarim?

task qo'sh: ..., muddat ...

bugun nima qilaman?

kun yakuni

Pul va kontent

kirim 500$ mijoz ...

bu oy qancha?

post yoz: ... mavzuda, mening uslubimda

g'oya: ...

Miya

maqsadimni eslat

bu faylni tegishli joyga saqla

intervyuni davom ettir

Tizim

holatingni tekshir

jurnaldan qidir: ...

shu xatoni tuzat

Ko'p uchraydigan xatolar

Avval doim: xato matnini yoki skrinshotni agentga tashlang — "shu xatoni tuzat". Ko'p muammo shu bilan hal bo'ladi.

Windows

"claude" buyrug'i topilmadi

PowerShell ni yopib qayta oching. Bo'lmasa o'rnatish buyrug'ini qayta bering. Git o'rnatilganini tekshiring: git --version.

"running scripts is disabled" (skript bloklangan)

PowerShell

Set-ExecutionPolicy -Scope CurrentUser RemoteSigned -Force

winget topilmadi

Microsoft Store → "App Installer" ni yangilang yoki Python/Git ni rasmiy saytdan yuklab o'rnating.

Kompyuter uxlab, bot javob bermayapti

PowerShell

powercfg /change standby-timeout-ac 0
schtasks /Run /TN JarvisStart

Mac

"command not found: claude"

Terminal

source ~/.zshrc && claude --version

Skript ochilmayapti (karantin)

Terminal

xattr -d com.apple.quarantine ~/jarvis/*.command 2>/dev/null

Qopqoq yopilsa agent to'xtaydi

Terminal

sudo pmset -a disablesleep 1

Bot javob bermayapti

Agent oynasi ochiqmi? Tokenni tekshiring (agentga: "bot tokenini getMe bilan tekshir"). access.json da ID ingiz bormi.

Ovozli xabar tushunilmayapti

Gemini kalitini tekshiring: agentga "Gemini kalitni tekshir" deb yozing. VPN yoqilgan bo'lsa o'chiring.

Savol-javob

Dasturlashni bilmasam bo'ladimi?

Ha. Siz faqat o'zbek tilida prompt yozasiz yoki saytdan nusxa olasiz. Kodni, fayllarni, sozlamalarni agent o'zi yozadi va tekshiradi.

Nega Claude Pro pullik (20 $)? Bepulida bo'lmaydimi?

Claude Code — agent dasturi — faqat pullik tarifda ishlaydi. Bu agentning "miyasi". Bu summa workshop narxiga kirmaydi, obunani o'zingiz to'laysiz.

Ma'lumotlarim xavfsizmi?

Agentning xotirasi sizning kompyuteringizdagi oddiy papkada turadi. Bot faqat sizning Telegram ID ingizga javob beradi (allowlist). Sizning nomingizdan yozish faqat siz aniq buyurganda va matnni ko'rsatgandan keyin.

Kompyuter o'chsa nima bo'ladi?

Agent to'xtaydi, kompyuter yonganda o'zi qayta ishga tushadi. Kompyuter o'chiq bo'lganda ham ishlashi uchun agentni serverga ko'chirish mumkin — bu workshopdan keyingi alohida xizmat.

Ish noutbukida qilsam bo'ladimi?

Administrator huquqi bo'lsa — ha. IT bo'limi dastur o'rnatishni bloklagan bo'lsa, shaxsiy noutbuk bilan keling.

Zalda ulgurmasam-chi?

Har bosqich saytda turadi. Uyda agentga davom et deb yozasiz — u holat.md dan qayerda qolganingizni o'qiydi. Qiyin joyda 14 kunlik support guruhi yordam beradi.

Oyiga yana qancha xarajat bo'ladi?

Faqat Claude Pro (20 $/oy). Telegram bot va Gemini kaliti bepul.

Agent xato qilsa?

Unga to'g'rilab ayting: "bundan keyin shunday qil". U buni qoida qilib faylga yozadi va keyingi safar shunday qiladi.

Atamalar lug'ati

Agent: Ishni o'zi bajaradigan AI: fayl yozadi, buyruq ishlatadi, natijani tekshiradi.
Claude Code: Anthropic kompaniyasining agent dasturi. Terminalda claude buyrug'i bilan ochiladi.
Terminal: Buyruq yoziladigan oyna. Windows'da PowerShell, Mac'da Terminal.
Prompt: Agentga yoziladigan topshiriq matni.
brain (miya): Agentning xotirasi — kompyuteringizdagi papka va matn fayllar.
CLAUDE.md: Agentning konstitutsiyasi: kim, qanday ishlaydi, qoidalari. Har suhbat boshida o'qiladi.
Klon: Agentning sizning uslubingizda yozishi — intervyu va namunalardan o'rganadi.
Jurnal: Har ish va natija avtomatik yoziladigan daftar. "Kecha nima qildik?" shu yerdan.
Hook: Avtomatik ishlaydigan qoida: masalan har sessiya boshida jurnalga yozish.
Plagin: Claude Code ga qo'shimcha qobiliyat. Bizda — Telegram plagini.
Bot token: Telegram botingizning maxfiy kaliti. @BotFather beradi. Hech kimga bermang.
API kalit: Xizmatdan foydalanish uchun maxfiy kalit (masalan Gemini).
24/7: Agent alohida oynada doim yoqiq turadi va yopilsa o'zi qayta ko'tariladi.
Obsidian: brain papkasidagi fayllarni chiroyli ko'rish uchun bepul dastur.

Workshopdan keyin: 14 kun support

1. O'zingiz

Xatoni agentga tashlaysiz: "shu xatoni tuzat". Sayt va xatolar bo'limi doim ochiq.

2. Yopiq guruh

Savolingizni yozasiz. Avval AI yordamchi javob beradi, hal bo'lmasa har kuni 20:00 da yordamchi.

3. Jonli soat

3-kun va 10-kun — 60 daqiqalik Zoom, ekraningizni ko'rsatib tuzatamiz.

4. Keyingi qadam

Serverga ko'chirish (kompyuter o'chsa ham ishlaydi), Gmail/kalendar ulash, kompaniya uchun to'liq AI tizim.